علیم طاہر کے مشہور پسندیدہ ایک سو پچاس اشعار ۔۔علیم طاہر ۔۔قسط نمبر 01 ۔۔

 

علیم طاہر کے  مشہور پسندیدہ ایک سو پچاس اشعار ۔۔۔۔۔علیم طاہر ۔ 

              قسط نمبر:01

_______________________________

لوبانوں سی خوشبو جیسی مہکے تیری یاد

دھڑکن‌دھڑکن سلگ رہا ہے مدھم سااحساس

 مجھ کو تیرے سنگ چلائے جانے کتنی دور

 تیری پیاری باتوں میں ہے ہمدم سا احساس

       

________________________________

 گاہک سی ہو گئی ہے اچٹتی سی ہر نگاہ

 خواہش کی دل آویز دکاں رخ پہ سجی ہے

 رگ رگ میں تیری زندہ ہے احساسِ زندگی

 نایاب سراپا لیے تو کتنی دھنی ہے ________________________________

 چکنی مٹی سے جب نیند پھسلی مری

 خواب  موتی  بنا  اور  اجالا  ہوا

 لاش کمرے سے میری نکالی گئی 

چھوڑ کر عشق  بستر پہ  روتا  ہوا

________________________________

 ہے اعتماد مجھ کو یوں میرے یقین کا

 عزت یقین کرتا ہے میرے قیاس کی

 اس چھاؤں میں تو ا کے مرا جسم جل گیا

 پچھتا رہا ہوں دھوپ سے کیوں التماس کی

________________________________ 

میرے کمرے کی کھڑکی کھلی رہ گئی

 خالی بستر کا تکیہ تھا بھیگا ہوا 

تیرے احساس کی دل نے دستک سنی

 دھڑکنوں میں عجب شور برپا ہوا

________________________________

 بے حسی ہے کہ نہیں کھولتی دروازے کو

 دے کے دستک میرا احساس کھڑا رہتا ہے

 ذہن و دل سے وہ نکلتا ہی نہیں ہے طاہر

 پھانس کی طرح تخیل میں گڑھا رہتا ہے

________________________________

میرے کمرے میں ہراک حرف تیری یادوں کا 

سوچ دربار میں چپ چاپ کھڑا رہتا ہے

 ہر ایک سٹیج پہ ایک روپ ہے طاہر دیکھو

 میرا کردار کہانی میں ڈھلا رہتا ہے

_______________________________

 

ہاں جدائی میں مرا دل تو خفا رہتا ہے

 یاد میلہ بھی  مگر  ساتھ  لگا  رہتا  ہے

 تیری یادوں نے عجب بھیس بدل رکھے ہیں

 دل کی درگاہ پہ مجمع سا لگا رہتا ہے

________________________________

 یہیں پہ جھوٹوں کو قدردانی ہوئی میسر

 یہاں کی منڈی میں کھوٹے سکےکھرےہوئے ہیں

 ستم ہزاروں یہ سہ رہے ہیں خموش رہ کر

 یہ لوگ زندہ جو دکھ رہے ہیں مرے ہوئے ہیں

________________________________

 لاکھ دھوئیں سے بھی تصویر نہ بن پائی تری

 اب میں سگریٹ بجھاتے ہوئے تھک جاتا ہوں

 دستکیں کون یہ دیتا ہے مسلسل دل پر

 میں تو اندازہ لگاتے ہوئے تھک جاتا ہوں

________________________________

 نیند ٹوٹی تو بجھ گئے سارے

 جیسے پانی کے بلبلے ہیں خواب

 روز بنتے ہیں فنا ہونے کو 

میرے پاؤں کے ابلے ہیں خواب

 ایک تذبذب ہے نیند کو طاہر 

آج جانے کہاں مرے ہیں خواب

________________________________

 جاگے جاگے دیکھ رہا ہوں کیسے کیسے خواب

 پیشنگوئی کر دیتے ہیں اکثر میرے خواب

 نیند کی پیتل الماری میں جھلمل کرتے ہیں

 چمکیلے سونے چاندی سے جیسے گہنے خواب

_______________________________

 کمرہ بستر اور تکیے کے یہ محتاج کہاں؟

 جاگی جاگی آنکھوں میں ہیں سوئے سوئے خواب

 مل جل کر ہر خواب بنائے خود سے ایک کہانی 

 پھر مجھ سے کردار نبھائے رستے رستے خواب

_______________________________

 اندھیرا اوڑھ کر بیٹھا اجالا

 بدل  کر  آ گیا   چولا  اجالا 

وہ اک آواز کیا اتری ہے مجھ میں

 میں  سر  سے  پا  ہوا  پورا  اجالا

_______________________________

 میرا وجود چاک سے اتر گیا

 جو گردشوں کا وقت تھا گزر گیا

 جو خود کو آسمان کہہ رہا تھا پھر

 زمین پہ پارہ پارہ کیوں بکھر گیا

_____________________________

 ہر دل کی دھڑکن امید 

آنکھوں میں روشن امید

 

ہر دکھ اس سے کوسوں دور 

ہر سکھ کی درپن امید

_____________________________

 یاد تری ایک لوکل ٹرین کے جیسی ہے

 لمحہ لمحہ اتے جاتے رہتی ہے

 

میٹرو جیسا سفر ہے تیرا اور میرا

 مالیگاؤں سا میں ہوں اور تو ممبئی ہے

 دادر کی ایک بھیڑ کے جیسا تیرا غم

 نیرول اسٹیشن سی مجھ میں چپی ہے

________________________________

 ٹوٹ ٹوٹ کر بکھر رہے تھے تانے بانے جملوں سے

 

دل سے دل جو بچھڑ رہا تھا رنگ اڑے تھے لفظوں سے

 تیری میری رگ رگ میں اب عشق پھر محلول بنا 

فلک دھواں سا ابھر رہا ہے ہم دونوں کے رشتوں سے

________________________________

 عشق کی دھن میں آوازوں کا پیکر کھوتا جاتا ہے

 لفظوں کے شیتل پانی سے لہجہ دھوتا جاتا ہے

 دستک تھک کر ہانپ رہی ہے امیدیں دم توڑ رہیں 

سبز سنہرا موسم مجھ میں پت جڑ ہوتا جاتا ہے

 ادھڑی ادھڑی نیندوں میں ہے بکھرے بکھرے خواب

 ملبے جیسے ادھر ادھر ہے سہمے سہمے خواب

 مجھ کو محبوبہ سے ملنے چاند پہ جانا ہے

 میں سستا ہوں پھر بھی دیکھوں مہنگے مہنگے خواب

______________________________

 ہو بہو ہرا بھرا مرا خواب ہے

 ترے حسین روپ سا مرا خواب ہے

 میری نیند طاقچے کی اک چراغ سی

 ہوا ہوا گھلا ہوا مرا خواب ہے

_______________________________

جھیلوں سی آنکھوں سے چھلکے سرگم سا احساس

 تم ائے تو خوشی بنا ہے ہر غم سا احساس

 میرے سارے زخم مٹے ہیں تیرے چھونے سے

 تیرے طلسمی ہاتھ میں پایا مرہم سا احساس

________________________________

 تیری آنکھوں کا جادو بولتا ہے

 میں سنتا ہوں وہ اردو بولتا ہے

 نہیں ہیں چاند اور تارے فلک پر

 اندھیری شب ہے جگنو بولتا ہے

________________________________

 آس پر  جب گرا  وقت  لٹکا  ہوا 

ٹوٹ کر پھر تو وہ لمحہ لمحہ ہوا

 تیرے احساس کی دل نے دستک سنی

 دھڑکنوں میں عجب شور برپا ہوا

 میری مٹی چھوا تیرے ہاتھوں نے جب

  چاک تھمتے ہی میں بھی تو پورا ہوا

____________________________

 اترا ہے درد آنکھوں میں نمناک دکھی ہے

 دل ٹوٹنے کی دل نہیں آواز سنی ہے

 اک عمر میں اندھیروں سے لڑتا ہی رہا ہوں

  تب جا کے روشنی میری مٹھی میں چھپی ہے 

____________________________

ظرف  ہربار مرا ضد پہ اڑا رہتا ہے

 حق بجانب ہے جو دنیا سے لڑا رہتا ہے

 نیند لٹکی ہوئی رہتی ہے کلینڈر پہ مری

    روز بستر پہ  میرا  خواب پڑا  رہتا  ہے

_____________________________

 بات بے رنگ ہے لفظوں میں دلکشی بھی نہیں

 تیرے لہجے میں طلسماتی روشنی بھی نہیں 

 

موسموں کا بھی ہے کردار رقیبوں جیسا

 کوئی موسم کو طبیعت سے دلبری بھی نہیں

_____________________________

 خواب ہے نہ خواب کی تعبیر ہے

 کیوں میرے احساس میں زنجیر ہے 

 داستان غم میری آنکھوں میں ہے

 ہر  خموشی  چیختی  تفسیر  ہے 

_______________________________

ہر پل میرے احساس میں شدت تھی پیاس کی

 پھر بھی سمندروں سے کہاں میں نے آس کی

 یوں اس نے لفظیات کو برتا سر محفل

 لہجے سے ٹپکتی رہی لذت مٹھاس کی

________________________________

 وہ زندگی وہ عیش وہ رتبے بھلا دیے

 تیری سزا نے نفرتی لہجے  بھلا  دیے

 ایک خوش لباس وقت مرے ساتھ چل پڑا

 پھر یوں ہوا کہ سارے ہی رستے بھلا دیے

_______________________________

 جب پڑ جائے پھیکا لہجہ دبے دبے الفاظ

 پیلے پیلے پڑ جاتے ہیں ہرے بھرے الفاظ

 سامنے آ کر جب ہم دونوں کہتے ہیں دل کی

 گڈ مڈ گڈ مڈ ہو جاتے ہیں تیرے  میرے الفاظ

_______________________________

ہزار عیب ہیں ہم میں بھی اعتراف ہمیں

 برا لگے جو کسی کو کرے معاف ہمیں

جنون منزل احساس ایسا لگتا ہے 

تمام دنیا کا کروائے گا طواف ہمیں

______________________________

مقدر   کو   میرے   بگڑنا  پڑا 

مجھے تم سے اخر بچھڑنا پڑا

 رہا میرا گلشن کہاں سرخرو 

چلی آندھیاں اور اجڑنا پڑا 

مجھے پیار سے ساری دنیا ملی

 تمہیں ہر قدم صرف لڑنا پڑا

________________________________

سدا پیڑ سے پھل جڑے کب رہے

 ہوئے جب رسیلے تو جھڑنا  پڑا

 یونہی آپ منزل پہ پہنچے کہاں 

مصیبت میں  طاہر  کو  پڑنا پڑا

_______________________________

زندگانی کا خواب ختم ہوا 

ایک کہانی کا باب ختم ہوا 

روح پرواز کر گئی آخر 

دھڑکنوں کا حساب ختم ہوا

 کتنا پژمردہ ہو گیا  گلشن

 گلستاں کا گلاب ختم ہوا

___________________________

اٹھا کر نگاہیں جو ہم دیکھتے ہیں

 ستم ہی ستم ہی ستم دیکھتے ہیں 

 ابھی دور منزل ہے چلیے گا صاحب

 ابھی کتنا باقی ہے دم دیکھتے ہیں

_______________________________

اے محبت جو میرے دل میں تو مہکتی ہے

  نفاستوں کی فضا چار سو مہکتی ہے

 یہ زندگانی کا گلشن عجیب گلشن ہے

 ہر ایک  سانس  نئی  آرزو  مہکتی  ہے

________________________________

تیرے احساس میں مضمر ہے شگفتہ موسم

 چمن کی خوشبو تیرے ہو بہو مہکتی ہے

 کہ غنچہ غنچہ چٹختا ہے تیرے لہجے میں

 گلوں کی طرح تیری گفتگو مہکتی ہے

 زبانیں یوں تو کئی ہیں جہان میں طاہر

 زبان اردو مگر کوب کو مہکتی ہے

_______________________________

تم غم پر نہ غم رکھو

 زخموں پر مرہم رکھو

 اپنے مخاطب جھوم اٹھیں

 لہجے میں سرگم رکھو

 کچھ بھی کرنے سے پہلے 

نظروں میں عالم رکھو

_______________________________

روز سورج سے ہوتا جنم دھوپ کا

 ہے خدا کے کرم سے کرم دھوپ کا

 

اس میں ملتا نہیں ہے تعصب کبھی

 صرف انسانیت ہے دھرم دھوپ کا

بھاگ جائے گی ظلمت بھی تب رات کی

 جب بھی بکھرے گا دھرتی پہ دم دھوپ کا

________________________________

چھوٹے چھوٹے اسٹیشن پر رکتے رکتے چلتی ہے

 بیٹھے ہیں جس ریل میں ہم یہ دھیرے دھیرے چلتی ہے

 جنسی سکینڈل شہروں میں پھیل گیا ہے کچھ ایسا 

شہر کی گلیوں سے ہر عورت ڈرتے ڈرتے چلتی ہے

______________________________

 قسمت کا یہ راز عجب ہے چھین لی بچپن میں ٹانگیں 

گاؤں میں میرے اک لڑکی ہے بیٹھے بیٹھے چلتی ہے

 اونچائی پر کوشش کر کے پا جاتی ہے منزل تو 

چیونٹی منہ میں دانا لے کر گرتے گرتے چلتی ہے

______________________________

گلی گلی میں چھیڑ چھیڑ کر جب بھی ستایا بچوں نے

 پگلی بوڑھی عورت گالی بکتے بکتے چلتی ہے

لاوارث لاشوں میں شک ہے اس کا بیٹا بھی نکلے 

سات پولیس کے وہ عورت جو روتے روتے چلتی ہے

_______________________________

رہ کر دیکھا ایک مہینہ ممبئی میں

 جینے کا مشکل ہے کرینہ ممبئی میں

علم و ہنر کاوش کو جس نے اپنایا 

رہتا ہے وہ تان کے سینہ ممبئی میں

 تدبیروں کے ہاتھ بڑھا کر دیکھ ذرا

 قدم قدم پر چھپا دفینہ ممبئی میں

_______________________________

جینا جس کو آتا ہے وہ جیتا ہے

 سب کو کہاں آتا ہے جینا ممبئی میں

 محنت کے ہاتھوں نے تراشا کچھ ایسا

 کنکر تھا وہ بنا نگینہ ممبئی میں

________________________________

 جیبوں کو خالی کرنے میں ماہر ہے

 ممبئی کا ہر ایک کمینہ مبئی میں

 طاہر صاحب بات یہی اب سچی ہے 

اپنا فن ہے اپنا خزینہ ممبئی میں

____________________________

انسان جب بھی سچے اصولوں سے ہٹ گیا

 پھیلے ہوئے شعور کا دامن سمٹ گیا

 یہ حادثہ ہے اپنی ہی سوچوں کا نتیجہ

 ایک آدمی ہزار قبیلوں میں بٹ گیا 

________________________________

منڈپ میں کل امیر کی عزت نہیں رہی

 نیت نہیں تھی صاف تو کھانا بھی گھٹ گیا

طاہر ہوس نے چھین لیے زندگی کے سکھ

 کانٹوں میں پھنس کے ادمی پھولوں سے

 ہٹ گیا

________________________________

آج بھی اس ملک میں افلاس کے مارے ملے

 ریل کے ڈبوں میں پانی بیچتے بچے ملے

 اچھی بیوی کا بھی ملنا قسمتوں کی بات ہے

 جو بری تھیں لڑکیاں شوہر انہیں اچھے ملے

 لڑکیاں مجبوریوں میں بکتی ہیں طاہر یہاں

 جیسے مہنگے عام بھی بازار میں سستے ملے

_______________________________

ہم نے مٹی کو سونے کا مول دیا 

تم نے سونے کو مٹی میں تول دیا

 تم نے وطن کو نفرت کا ہر بول دیا

 ہم نے پیارا تاج محل انمول دیا

________________________________

 تعبیریں سب الٹی نکلی خوابوں کی

 آزادی نے ہاتھوں میں کشکول دیا 

سچ بولو غدار وطن تم ہو یا ہم

 تم نے وطن کے رازوں کو بھی کھول دیا

 ہم نے وطن کو نغمے بخشے عزت کے

 تم نے وطن کو بدنامی کا ڈھول دیا

________________________________

پھینک دو ہاتھوں سے ترشول

 سوچوں میں گوتم رکھو

 مت چھڑکو انگاروں پر

 پھولوں پر شبنم رکھو

 بات کرو تو لفظوں میں

 میں کے بدلے ہم رکھو

__________________________

جو مانگ کے کھاتا رہا ٹکڑے میرے در سے

 وہ دیکھتا ہے مجھ کو حقارت کی نظر سے

 ظالم سے کبھی ڈرتے نہیں ہیں وہ جہاں میں 

جو لوگ ڈرا کرتے ہیں اللہ کے ڈر سے

_______________________________

جس نے در چھوڑا خدا کا کچھ نہ اس کو مل سکا 

ہاتھ خالی ہی رہے دردر طلب کرتا رہا 

پھر وہی رہزن صفت رہبر طلب کرتا رہا

 کانچ کے ہاتھوں میں وہ پتھر طلب کرتا رہا

 جب تلک زردار تھا تو آبرو مانگا کیا

 آبرو اس کو ملی تو زر طلب کرتا رہا

 آج تک اس کو نہیں آیا پرکھنے کا ہنر

 اصلی ہیرے چھوڑ کر کنکر طلب کرتا رہا

_______________________________

ہم سے پیچھے چلنے والے اگے ہیں

 ہم سوئے ہیں سونے والے جاگے ہیں

 خوفزدہ ہیں ہم یوں بزدل کتوں سے

 شیر کے ڈر سے جیسے غزالے بھاگے ہیں

 سن انچاس سے اب تک ہم سب سوئے تھے

 ڈوب گیا ہے سورج تب ہم جاگے ہیں

 راہنمائی کی راہوں پہ اے طاہر

 آنکھوں والے پیچھے اندھے آگے ہیں

________________________________

موت سے کچھ کم نہیں ہے دل میں آنا یاس کا

 بھول سے بھی چھوڑ مت دینا تو دامن آس کا 

چلتا رہتا ہے برابر زندگی کے ساتھ ساتھ 

ان گنت مایوسیوں میں آسرا اک اس کا

 نا امیدی موت ہے اور زندگانی ہے امید 

زہر نہ پھیلاؤ اپنے دل میں طاہر یاس کا

________________________________

زندگی پر نہ اس قدر اترا 

زندگی ہے حباب کی مانند

 کل رہے وقت کے سکندر ہم

 آج کھانا خراب کی مانند

________________________________

آدمی جھوٹی خوشی کے واسطے

 گر گیا ہے برتری کے واسطے

 کس قدر حالات ابتر ہو گئے

 رو رہا ہے دل ہنسی کے واسطے 

ساری بستی میں اندھیرا کر دیا 

اپنے گھر کی روشنی کے واسطے

______________________________

 لٹ گئے راہ میں راہزن بھی نہیں

 خود فریبی سے بچنے کا فن بھی نہیں

 اپنی طاقت پہ جن کو گماں تھا بہت 

وہ مرے تو میسر کفن بھی نہیں

________________________________

پہلے کی لڑکیوں میں تعلیم کی کمی تھی

 تعلیم یافتہ  ہیں  اب  شرم کی  کمی  ہے

________________________________

ہمدردی کی باتیں کرنا دنیا کی مکاری ہے

 مطلب کے سب چاہنے والے مطلب کی غم خواری ہے

 پیار سے مل کر گھات کرے ہے ہم نے دیکھا ہے اکثر 

اپنا کسی کو یار سمجھنا سب سے بڑی بیماری ہے

 ہونے لگی ہیں سارے جہاں میں امن و سکوں کی باتیں پھر

 صلح کے پردے میں اے طاہر جنگوں کی تیاری ہے 

______________________________

بغیر مقصد کوئی کسی سے کب ملتا ہے

  پڑتی ہے جب کوئی ضرورت تب ملتا ہے 

آج کسی کو پیار کسی سے کھوٹی بات

 بھائی خود بھائی کا دشمن اب ملتا ہے

_______________________________

  یاد رکھنا کہ آج کا انساں 

موسموں کی طرح بدلتا ہے

 جس کو میں نے نوازا پھولوں سے

 وہ میرے حق میں اگ اگلتا ہے

 جو اشارے پہ میرے چلتا تھا 

وہ بھی اب مجھ پہ چال چلتا ہے

_______________________________

  جس نے کھویا ہے ہاتھ سے موقع

 زندگی بھر وہ ہاتھ ملتا ہے

 وقت کے ساتھ تو بھی چلتا جا

 وقت رکتا نہیں ہے چلتا ہے

______________________________

جب ارادہ عمل میں ڈھلتا ہے

 تب کوئی راستہ نکلتا ہے

 

پھیر لیتے ہیں منہ پرندے بھی

 جب شجر کا شباب ڈھلتا ہے

________________________________

یہ دنیا ہے یہاں منزل نہ ڈھونڈو

 یہاں چلتے رہو بس راستے ہیں

________________________________

(C):Aleem Tahir:

"150/Aleem Tahir ke mashoor pasandeeda Ashaar"

Email id: aleemtahir12@gmail.com

Mobile no.9623327923.